Seinfeld
S1, Epi 1-5 Finale
خلينا نقول كلمتين حلوين فحق الموسم الأول من المسلسل الجميل ده
سينفيلد ده بيفكرني بالقاعدات الذكورية ليا أنا وأصدقائي في المقاهي وأماكن اللمة الشبابية .. مجموعة ذكور في نهاية الشباب بيتبادلوا أطراف الحديث .. تفتكر ح يتكلموا عن أيه؟ .. الـستات والعلاقات والشغل والحياة الصعبة ومشاريعهم اللي لسة ح تبدأ أو اللي شغالين فيها .. وطبعاً الهزار .. وهكذا .. هو ده بقي سينفيلد وهي دي عظمته
فعلاً بالذات لو أنت من الناس اللي أتربت علي مسلسلات القناة التانية و"النايل تي في" ح تحس كدة أن الحالة معمولة مخصوص عشانك .. التسعينيات وعصر ما قبل الكومبيوتر والأنترت وغزو الأندرويد والسوشيال ميديا ... حياة الشباب بعيد عن الرومانسيات المستهلكة والخيال الرخيص .. كوميديا إجتماعية شبابية عن الحياة والمشاكل اللي بتواجهم قبل الإستقرار والزواج
طبعاً مش كل الحلقات ضحكتني حتي الصراخ لكن علي الأقل مكنش دمها تقيل ولا فيها إستظراف مبالغ فيه .. طبعاً جيري سينفيلد ما بيعرفش يمثل لكنه مقبول .. وكذلك إلين اللي دمها يلطش بس ساعات بتبقي ظريفة .. جورج وكريمر سفاحين كوميديا وبقوا من المفضلين
لا بجد حاسس أن المسلسل معمول علشاني تماماً أكتر من فريندز وأوفيس الحقيقة
إلي الأمام ❤️
تعليقات
إرسال تعليق