Seinfeld
S2, Epi 1-12 Finale
والله الواحد مش قادر ينام قبل ما يكتب البوست التطبيلي اليومي لـ"ساينفيلد" وجماله ..
طبعاً المسلسل أتقدم كتير عن الشكل البدائي اللي كان عليه في الموسم الأول وبقي فيه دراما أكتر وأحداث وشخصيات أكتر .. بس هو الشئ الثابت اللي ما أتغيرش هو أنك لما تدور علي هوية المسلسل ورسالته ح تلاقيه بيتكلم عن اللاشئ حرفياً .. هو عن مجموعة من البشر بيعكسوا حياة شريحة عمرية وإجتماعية من المجتمع وقتها وبيقدموا نقد إجتماعي ساخر .. لا خلينا ما نكبرش الموضوع نقول أنها سخرية من باب السخرية .. شئ عدمي تماماً
طريقة كتابة الحلقات أتطورت كتير عن الموسم الأول والمسلسل خد براح إبداعي أكبر مع زيادة عدد الحلقات ... بس نقدر نقول أن الحلقات بتنقسم لثلاث أنواع
حلقات عن موضوع معين زي الحلقة 7 مثلاً اللي كانت بتناقش الإنتقام والحلقة 9 اللي بتدور حولين الجـنـس بين الاصدقاء
وحلقات ملهاش موضوع لكن ليها قصة محددة وحالة معينة بتدور حوليها زي الحلقة 5 لما إلين كان ح تسكن عند جيري والحلقة 11 اللي دارت كلها في المطعم الصيني
في بقي حلقات ليس لها اي هدف أو معني لكن هي مجموعة أحداث عشوائية متتابعة ومتداخلة بدون أي منطق ... تحديداً الحلقة 8 اللي بعد ما خلصتها حسيت أني تايه .. هو في أيه يا أخونا؟😅 .. حسيت أن الحلقة دي رغم أنها مش أحلي حاجة بس هي بتجسد روح ساينفيلد .. الولا حاجة .. ضحك وسخرية في سبيل اللاشئ
لازال جيري ستاند أب كوميدي لطيف بس ممثل فاشل .. إلين أداءها أتحسن شوية .. زائد أني أكتشفت أنها سـكـسي الصراحة .. جوروج وكارمر لازالوا سـفـاحين كوميديا بل وعليوا أكتر
مستمرون ❤️
تعليقات
إرسال تعليق