Friends
S3, Epi 1-25 “Finale”
لمدة طويلة كنت واخد موقف من فريندز كونه كان مرتبط في ذهني بواحدة من العلاقات التوكسيك اللي أرهقتني .. ولذلك أتفرجت عليه بعد سنسن من خوض غمار مغامرة الدراما الأمريكية
الفكرة الظریفة واللي مخلیاني أضحك وأخبط كف علي كف ھو أن المسلسل في أكتر من خط من خطوطھ بالذات في الموسم ده بیتكلم عن العلاقات المسمومة والتناقضات اللي بین الرجل والمرأة فی العلاقات العاطفیة لدرجة أن في أكتر من حلقة ألاقي مواقف وحاجات أتعرضلھا شخصیاً .. لدرجة أني في لحظات معینة كنت بأبقي عايز اخش للأبطال وأحذرهم من عواقب اللي بيعملوه
الموسم مكمل علي نفس منوال المواسم اللي فاتت .. كومیدیا الموقف وسوء التفاھم والضحك المستمد من مواقف الحیاة الیومیة
والتناقض ما بین الرجالة والستات .. بس في الموسم ده زاد حاجة
اولاً بقي في إھتمام كبیر ببناء وتطور الشخصیة لدرجة تصل إلي البلورة .. فالشخصیات وجودھا بقي عبارة عن شبكة معقدة من العلاقات والدوافع والأھداف والرغبات بشكل حولھا من نص مكتوب لشخصیات من لحم ودم .. تحس ده أمتي أكتر لما علاقتك بالشخصیة تتحول إلي تحدي .. فأنت قاعد طول الوقت منتظر من الشخصیة فعل أو متوقع رد فعل معین علي شئ ما وفجأة تیجي الشخصیة تغیر مسارھا فتبقي مھتم تعرف ھي أتغیرت لیھ أو أیھ اللي بیترتب علي التغیر ده وتبتدي تطرح علي نفسك اسئلة
في اللحظة دي الشخصیات أتحولت من مجرد حبر علي ورق إلي روح وواقع بدیل بتعیش فیھ وتتفاعل معاه حلقة بحلقة كأنھا
یومیات
ثانیاً وھو شئ بیخدم أكتر علي الدراما ومدي مصداقیتھا ھو أن الصناع بقوا بیدوا مساحة أكبر للشخصیات الثانویة زي جونثر رك وبیت وبقي لیھا خطوطھا الدرامیة وتفاعلاتھا وقصصھا المحتة بشكل مباشر بالدائرة الأساسیة اللي بیدور حولیھا المسلسل
وھي دائرة الأصدقاء الستة
فریندز في العصر ده كان ثورة .. مسلسل واخد نفس أنماط وقوالب الـ"سوب أوبرا" أو الدراما التلفزیونیة لكنھ بیسخر منھا وبیسف علیھا وعلي نمط الحیاة اللي خارجة منھ واللي بیقدسھا وھو نمط الحیاة التقلیدي المحافظ حیث بیت الأسرة والكنیسة والتقالید ھم
الثالوث المقدس الذي لا یمس
مستمرین
تعليقات
إرسال تعليق