Seinfeld
S3, Epi 1-23 Finale
أنا بقالي سنة بأتفرج علي الموسم ده .. كل شهر أو كام شهر بأفتح حلقة أو اتنين .. فجأة كدة بأكتشف اني المفروض فاتح مسلسل ولسة مخلصتوش وسط غابة الحاجات اللي بأتفرج عليها .. بس ده مش تقليل منه علي قد ما هو عدم تركيز مني .. وكمان لأن ساينفيلد مش مسلسل .. ده من مبهجات الحياة
كل ما حد يسألني "أشمعني ساينفيلد؟" أقوله لأنه المسلسل الوحيد اللي بيتكلم في كل حاجة وهو بيدور حولين الولا حاجة .. وكل ما بيتقدم شوية الحالة دي بتطور وبتتشعب وبتبقي معقدة أكتر .. يعني يمكن في أول موسم كان بيركز علي مواضيع وظواهر بعينها .. لكن في الموسم ده هو ماشي بشكل عشوائي .. الحلقة الواحدة بتمشي في كذا خط والبلوت بتاع كل حلقة عبارة عن مواقف أو أفكار أو ظواهر منسوجة سوي في قالب ساخر مبني علي سوء التفاهم والصدف وأحياناً اللامنطق .. أو غالباً اللامنطق
فعلاً وجبة مسلية لفض أي إشتباك مع الواقع البائس والإستمتاع بالحياة ❤
تعليقات
إرسال تعليق