The Shield
S3, Epi 1-15 Finale
المسلسل ده كل مدي عمال يتحول لكابوس .. كابوس مفزع
رغم أن أنا مش بأحب الوعظية بتاعة أن "المال الحرام نار تلتهمك قبل أن تلتهمها" بالذات لما بتستخدم في الدراما لأنها مش واقعية 100% وفي نفس الوقت هي بتحول الحياة لمسار ميكانيكي بلا أي ديالكتيك ولا تغيرات كأنك ماشي في طريق مستقيم أوله معروف وأخره معروف .. طيب يبقي أحنا عايشين وبنعافر ليه أساساً يعني؟ .. هي مسألة فلسفية قبل ما تبقي درامية وإنعكاسها علي الدراما بيعكس مدي وعي الصانع بالواقع ونظرته ليه .. عشان كدة الدراما المحلية رديئة وكرينج بينما الدراما الأمريكية رغم أنها ممكن تقدم ذات السردية الا أنها مبدعة في طريقتها .. مش دايماً بس بنسبة كبيرة
لما بأبص هنا أزاي الإنهيار أو الكابوس ده بدء بألاقي أن القصة مش قصة أن المجموعة الرئيسية في الدراما خدت قرار أنها تستولي علي مال حرام علي طريقة المسلسلات العربي .. لا .. القصة أنها في الأساس عندها إيمان راسخ بأنها تقدر أنها تمارس أشياء خارج القانون تحت غطاء القانون .. المسألة بدأت بأنهم شايفين أن المواضيع لو مشيت ميري فالدنيا ح تعطل فبقوا يمشوا بعض الأمور بالتفاهم والسياسة .. ثم الموضوع كبر شوية فدخل فيه التلاعب .. ثم كبر شويتين فبقت المجموعة عبارة عن مراقب وحارس للخروج عن القانون بشرط أنه يفضل في حدود المعقول والمسموح .. في المرحلة دي كان لسة ضمير المجموعة يقظ وصاحي وفي أطراف حذرة وخايفة من أنهم يقعوا في الفخ ويتحولوا إلي عصابة أو خارجين عن القانون
لحين ما جت اللحظة الحاسمة واللي واجهوا فيها إغراء كبير خلاهم خاضوا المخاطرة الكبيرة اللي حولتهم إلي عصابة فعلياً منغمسة في بيزنيس العصابات والمافيا .. ليبدأ بعدها الإنهيار
الفكرة أن الفرقة طول الوقت كان عندها سلاح فتاك كان مديها الثقة الكبيرة دي والجرأة في كل الخطوات اللي خدوها .. وهو أنهم في ضهر بعض وواثقين في بعض لأبعد حد وعندهم القدرة إخفاء معالم أي كارثة بيعملوها .. ومن الحتة دي بدء كابوس الموسم الثالث .. أول حاجة أتضربت في الموسم ده كان إستقرار الفريق وثقتهم في بعض .. وده كان عامل مهم في الدراما لتحويل الوضع من السيطرة التامة للمتاهة والمأساة فالكابوس .. في المسائل الشخصية متداخلة مع العملية وده بيخلق دوافع لدي كل طرف أنه يتصرف تصرفات فردية ممكن تفسد إستقرار المجموعة فده بيؤدي لزعزعة الثقة بين أطراف المجموعة .. فالمجموعة ترتبك وتقع في غلطات قاتلة أو صدف غير مرحب بيها ممكن تؤدي إلي دمارها وإنهيارها .. وهو اللي حصل في نهاية الموسم
من ناحية المجموعة بتواجه أزمة داخلية بين أعضاءها ومن ناحية بتوجه خطرين خارجيين قاتلين .. شكوك وتتبع الشرطة ليهم والأخر هو إحتكاكهم مع المافيا وده الخطر الأكبر .. الفكرة أن أزاي المجموعة ح تخرج من المأزق ده مسألة أتجلت للمواسم الجاية .. بس في رأيي الإجابة ح تبقي مدمرة
علي حواف بقي القصة دي أيضاً الشخصيات الرئيسية التانية بتواجه إنهيار مدوي .. يمكن أضعفهم في البنية في رأيي إنهيار "داتش" لأن الموسم اللي فات حياته الشخصية لم يتم التطرق ليها علي الإطلاق غير نادراً وفجأة لاقينا تطورات كبيرة حصلتله دون تمهيد .. هو من البداية عنده مشاكل نفسية وشخصية بس في بعض التطورات كانت محتاجة يتركز عليها أكتر
فهو الموسم ده كله إنهيار .. فهل ح يبقي الموسم الجاي إنفجار ولا صحوة؟
المفروض علي حسب ما شوفت في معظم المسلسلات بالذات الأكشن اللي قابلتها الموسم الرابع عادة بيبقي الذروة وأفضل مستوي ممكن من الدراما .. فهل ده ح يتكرر هنا؟ .. ح نشوف
S3, Epi 1-15 Finale
المسلسل ده كل مدي عمال يتحول لكابوس .. كابوس مفزع
رغم أن أنا مش بأحب الوعظية بتاعة أن "المال الحرام نار تلتهمك قبل أن تلتهمها" بالذات لما بتستخدم في الدراما لأنها مش واقعية 100% وفي نفس الوقت هي بتحول الحياة لمسار ميكانيكي بلا أي ديالكتيك ولا تغيرات كأنك ماشي في طريق مستقيم أوله معروف وأخره معروف .. طيب يبقي أحنا عايشين وبنعافر ليه أساساً يعني؟ .. هي مسألة فلسفية قبل ما تبقي درامية وإنعكاسها علي الدراما بيعكس مدي وعي الصانع بالواقع ونظرته ليه .. عشان كدة الدراما المحلية رديئة وكرينج بينما الدراما الأمريكية رغم أنها ممكن تقدم ذات السردية الا أنها مبدعة في طريقتها .. مش دايماً بس بنسبة كبيرة
لما بأبص هنا أزاي الإنهيار أو الكابوس ده بدء بألاقي أن القصة مش قصة أن المجموعة الرئيسية في الدراما خدت قرار أنها تستولي علي مال حرام علي طريقة المسلسلات العربي .. لا .. القصة أنها في الأساس عندها إيمان راسخ بأنها تقدر أنها تمارس أشياء خارج القانون تحت غطاء القانون .. المسألة بدأت بأنهم شايفين أن المواضيع لو مشيت ميري فالدنيا ح تعطل فبقوا يمشوا بعض الأمور بالتفاهم والسياسة .. ثم الموضوع كبر شوية فدخل فيه التلاعب .. ثم كبر شويتين فبقت المجموعة عبارة عن مراقب وحارس للخروج عن القانون بشرط أنه يفضل في حدود المعقول والمسموح .. في المرحلة دي كان لسة ضمير المجموعة يقظ وصاحي وفي أطراف حذرة وخايفة من أنهم يقعوا في الفخ ويتحولوا إلي عصابة أو خارجين عن القانون
لحين ما جت اللحظة الحاسمة واللي واجهوا فيها إغراء كبير خلاهم خاضوا المخاطرة الكبيرة اللي حولتهم إلي عصابة فعلياً منغمسة في بيزنيس العصابات والمافيا .. ليبدأ بعدها الإنهيار
الفكرة أن الفرقة طول الوقت كان عندها سلاح فتاك كان مديها الثقة الكبيرة دي والجرأة في كل الخطوات اللي خدوها .. وهو أنهم في ضهر بعض وواثقين في بعض لأبعد حد وعندهم القدرة إخفاء معالم أي كارثة بيعملوها .. ومن الحتة دي بدء كابوس الموسم الثالث .. أول حاجة أتضربت في الموسم ده كان إستقرار الفريق وثقتهم في بعض .. وده كان عامل مهم في الدراما لتحويل الوضع من السيطرة التامة للمتاهة والمأساة فالكابوس .. في المسائل الشخصية متداخلة مع العملية وده بيخلق دوافع لدي كل طرف أنه يتصرف تصرفات فردية ممكن تفسد إستقرار المجموعة فده بيؤدي لزعزعة الثقة بين أطراف المجموعة .. فالمجموعة ترتبك وتقع في غلطات قاتلة أو صدف غير مرحب بيها ممكن تؤدي إلي دمارها وإنهيارها .. وهو اللي حصل في نهاية الموسم
من ناحية المجموعة بتواجه أزمة داخلية بين أعضاءها ومن ناحية بتوجه خطرين خارجيين قاتلين .. شكوك وتتبع الشرطة ليهم والأخر هو إحتكاكهم مع المافيا وده الخطر الأكبر .. الفكرة أن أزاي المجموعة ح تخرج من المأزق ده مسألة أتجلت للمواسم الجاية .. بس في رأيي الإجابة ح تبقي مدمرة
علي حواف بقي القصة دي أيضاً الشخصيات الرئيسية التانية بتواجه إنهيار مدوي .. يمكن أضعفهم في البنية في رأيي إنهيار "داتش" لأن الموسم اللي فات حياته الشخصية لم يتم التطرق ليها علي الإطلاق غير نادراً وفجأة لاقينا تطورات كبيرة حصلتله دون تمهيد .. هو من البداية عنده مشاكل نفسية وشخصية بس في بعض التطورات كانت محتاجة يتركز عليها أكتر
فهو الموسم ده كله إنهيار .. فهل ح يبقي الموسم الجاي إنفجار ولا صحوة؟
المفروض علي حسب ما شوفت في معظم المسلسلات بالذات الأكشن اللي قابلتها الموسم الرابع عادة بيبقي الذروة وأفضل مستوي ممكن من الدراما .. فهل ده ح يتكرر هنا؟ .. ح نشوف
تعليقات
إرسال تعليق