The Shield
S2, Epi 1-13 Finale
كنت قولت في الموسم الأول أن المسلسل بيطرح سؤال بسيط وهو ماذا يحدث لو تحول رجل القانون إلي مجرم ولص .. يمكن ده الموضوع الأبرز اللي ح يشد نظر اي مطلع جديد علي هذة الدراما
النقطة اللي شدت إنتباهي في الموسم ده واللي في ظني الصانع قصد يبروزها أوي هي أن القصة مش مجرد قصة فرد بيسلك طريق غير قويم أو بيستخدم أساليب ملتوية للحفاظ علي الإستقرار والمظهر العام يكون مقبول .. لا القصة هي هي إنعكاس ورصد لمدي الوحشية والفساد اللي وصله البشر وأزاي أن التعامل معاه بمثالية مش مجرد ح يهدر حقوق الناس لا بل ممكن يمسخ العدالة نفسها .. علي الجانب الأخر إستخدام الأساليب الملتوية والغير نزيهة مع الوقت بيخلق بؤرة جديدة للفساد ويساعد في إنتشار الفساد أكتر .. فوقي عندك واقع فاسد ومنظومة أكثر فساداً بتتعامل معاه وتتحكم في مصيره بطريقة أو بأخري
يمكن هو ده الخط الأساسي للقصة .. قصة فيك ماكي وفريقه اللي بدأوا كفريق بيعمل بعض التجاوزات للحفاظ علي الأمن والاستقرار لكن بعد كدة ومع إعتياد التجاوز تحولوا إلي عصابة بتمارس شتي الأنشطة الإجرامية
هنا المسلسل بيتعاطي مع فكرة الفساد المجتمعي علي مستويين .. مستوي إجتماعي بيرصد مشاهد من الحياة اليومية ومظاهر بشعة من الواقع ومستوي قيمي وأخلاقي بيعيد سرد الواقع علي هيئة حدوتة بسيطة الخير فيها بيتصارع مع الشر لكن دون أن ينتصر أي منهما علي الأخر بل أنهم بيختلطوا ويتداخلوا بشكل مربك
الحتة مهمة بالنسبة لي وغريبة بس مثيرة .. بتخلي جوايا شعور أن في أتنين بيكتبوا المسلسل سواء شخصين أو جبهتين.. جبهة واقعية ما برة ثنائية الخير والشر وتطرح الواقع بشكل صادم بتحمل عناصره جزء من ده علي جزء من ده بمعني أن الشخصيات مش أحادية فلا هي شريرة طول الوقت ولا هي طيبة طول الوقت والمؤسسات والأحداث محايدة والتطورات مبنية علي أسس منطقية وبناء علي أفعال البشر ... بينما في جبهة تانية بتكيل بمكيال الصلاح والفساد وعايزة تدي عبرة وعظة في نهاية القصة وحتي بتزق التطورات اللي بتحصل للشخصيات الرئيسية فسكة أن اللي اختار طريق الخطيئة ح تتحول حياته إلي جحيم بالتدريج ... بس أظن أن القصة علي قد ما هي عايزة تبقي واقعية علي قد ما هي بتطرح ده في قالب شعبي محبوب وسهل علي المتابع فيه الشر ولو طال الأمد بينكسر والخير بينتصر ولو بعد حين
من الأخر ما هواش "ذا واير" اللي بيقدم الواقع كما هو بقبحه وبدون الثنائية الكلاسيكية
الصراحة الموسم ده كان مثير وخطير اوي .. أسلوب المسلسل وإعتماده علي الإثارة والأكشن أسلوب الحلقات المنفصلة المتصلة مخليه شيق اوي .. والأكثر بناء الحلقات اللي بيخلي كل واحدة منها كأنها فيلم أكشن قصير يصلح أنه يبقيوعمل منفصل ده مخلي الموضوع شيق اوي
مراقبة الواقع من داخل هذة الوحدة الملعونة مسألة شيق اوي .. وكأنها منظار بيرصد الواقع ومسرح للحياة اليومية.. مستمرون
تعليقات
إرسال تعليق