Bleach: Thousand-Year Blood War
P2, Epi 13-26
جزء أخر مذهل بصرياً ومفاجئ بالنسبة لي كعادة بليتش يعني لكنه أثار في داخلي شجون ورغبة لاذعة في النقد .. طيب ليه؟!
الجزء ده من القصة بين مشكلتين ضخمتين للغاية واحدة بخصوص صناعة المانجا والأنمي عامة والتانية بخصوص سلسلة بليتش نفسها
المشكلة الخاصة بالصناعة ككل بتتمثل هنا في مسألة الضغوط اللي بتمارسها شركات الإنتاج والمسؤولين في شونين جامب علي الكتاب والرسامين سواء عبر التدخل في مسارات القصة أو إعتراضاتهم علي الأجزاء الإبداعية أو طول مدة نشر القصة أو خلافه .. وهو ما حدث هنا بشكل كبير أثناء صناعة الأرك ده ونتيجته بانت أوي علي الأحداث في الجزء ده
الجزء اللي فات تم تقديم الكوينشي ورثة وأتباع يواباخ علي أنهم قوة ضاربة لا يمكن مواجهتها بالتكتيكات والقدرات العادية للشينغامي لدرجة أستدعت أن السيرتي أنه يرسل الشخصيات الأهم والأقوي في القصة من أجل الحصول علي تدريبات من نوع خاص سواء علي إيد حراس ملك الأرواح أو تدريبات خاصه علي إيد شخصيات ذات حيثية في مجتمع الأرواح نفسه زي ما حصل مع كينباتشي وسايجن
لحد هنا الكلام حلو .. ولما الناس دي شاركت في المعركة التي جاءت علي حين غرة كان إنتصارهم علي الكوينشي بديهي أوي ومقبول لأن مستواهم علي أولاً ثانياً قواهم غير مألوفة أو معروفة للكوينشي
لكن مع سير الأحداث شوية كدة أبتديت أحس أن المؤلف نفسه بعد ما كان رفع الكوينشي أوي وخلاهم خطر محدق علي الوجود رجع في رأيه وخلاهم خصوم عاديين .. حتي قدراتهم خلاها سخيفة شوية وبعضها كوميدي بشكل غير مقبول.. لدرجة انه حتي في مرحلة ما بقي يكسل يرسم حتي أحداث المعارك بينهم وبين الشينيغامي ويكتفي بس بأنه يبين في الأخر نتيجة المعركة .. حتي ده وصل لأن في شخصيات رئيسية دورها كبير في القصة ماتت ومحدش إداهم الإهتمام اللازم .. وكأن المؤلف عايز يكمل القصة وخلاص بأي شكل مش هامه أوي حتة المنطق ولا البناء.. المهم انه يوصل للنهاية وخلاص
هو عالج جزء من الأخطاء دي لما جه يعمل الأنمي بس أثارها لازالت موجودة علي العمل .. في رأيي كل ده نقدر نرجعه لحتة الضغوط اللي سمعنا طبعاً أنها مع نهاية العمل كانت وصلت لدرجة خارقة خلت الرجل نفسه يستسهل ويعمل حاجة أي كلام وخلاص ويسقط حاجات كتير في النص
المشكلة التانية وهي الخاصة بسلسلة بليتش نفسها برضو خاصة بالإستسهال في الكتابة .. بأحس ساعات لما كوبو بيعطل في حل معضلة درامية خلقها بنفسه بيروح خالق لها حل من خارج سياق الدراما .. أكبر مثال علي ده وجود الفرقة صفر نفسها اللي لم يشار إليه طوال أحداث القصة بتاتاً .. أنا بيتهيألي اصلاً كوبو قبل الفصل ده مكنش عنده تصور حقيقي لماهية ملك الأرواح والموضوع جه أثناء كتابته للفصل أو تخطيطه لكتابة الفصل
مفيش بناء طويل حقيقي غير في نقط معدودة ومفيش حلول منطقية أكتر ما في مفاجأت غير متوقعة من خارج السياق
انا عجبني الفصل والمعارك بتاعته والبناء لحتة فلسفة يواباخ اللي فيها من الداروينية الإجتماعية والفاشية كتير وأزاي انه بيضحي بالأضعف في سبيل الأقوي .. لكن لازال عندي مأخذ كتير علي القصة
P2, Epi 13-26
جزء أخر مذهل بصرياً ومفاجئ بالنسبة لي كعادة بليتش يعني لكنه أثار في داخلي شجون ورغبة لاذعة في النقد .. طيب ليه؟!
الجزء ده من القصة بين مشكلتين ضخمتين للغاية واحدة بخصوص صناعة المانجا والأنمي عامة والتانية بخصوص سلسلة بليتش نفسها
المشكلة الخاصة بالصناعة ككل بتتمثل هنا في مسألة الضغوط اللي بتمارسها شركات الإنتاج والمسؤولين في شونين جامب علي الكتاب والرسامين سواء عبر التدخل في مسارات القصة أو إعتراضاتهم علي الأجزاء الإبداعية أو طول مدة نشر القصة أو خلافه .. وهو ما حدث هنا بشكل كبير أثناء صناعة الأرك ده ونتيجته بانت أوي علي الأحداث في الجزء ده
الجزء اللي فات تم تقديم الكوينشي ورثة وأتباع يواباخ علي أنهم قوة ضاربة لا يمكن مواجهتها بالتكتيكات والقدرات العادية للشينغامي لدرجة أستدعت أن السيرتي أنه يرسل الشخصيات الأهم والأقوي في القصة من أجل الحصول علي تدريبات من نوع خاص سواء علي إيد حراس ملك الأرواح أو تدريبات خاصه علي إيد شخصيات ذات حيثية في مجتمع الأرواح نفسه زي ما حصل مع كينباتشي وسايجن
لحد هنا الكلام حلو .. ولما الناس دي شاركت في المعركة التي جاءت علي حين غرة كان إنتصارهم علي الكوينشي بديهي أوي ومقبول لأن مستواهم علي أولاً ثانياً قواهم غير مألوفة أو معروفة للكوينشي
لكن مع سير الأحداث شوية كدة أبتديت أحس أن المؤلف نفسه بعد ما كان رفع الكوينشي أوي وخلاهم خطر محدق علي الوجود رجع في رأيه وخلاهم خصوم عاديين .. حتي قدراتهم خلاها سخيفة شوية وبعضها كوميدي بشكل غير مقبول.. لدرجة انه حتي في مرحلة ما بقي يكسل يرسم حتي أحداث المعارك بينهم وبين الشينيغامي ويكتفي بس بأنه يبين في الأخر نتيجة المعركة .. حتي ده وصل لأن في شخصيات رئيسية دورها كبير في القصة ماتت ومحدش إداهم الإهتمام اللازم .. وكأن المؤلف عايز يكمل القصة وخلاص بأي شكل مش هامه أوي حتة المنطق ولا البناء.. المهم انه يوصل للنهاية وخلاص
هو عالج جزء من الأخطاء دي لما جه يعمل الأنمي بس أثارها لازالت موجودة علي العمل .. في رأيي كل ده نقدر نرجعه لحتة الضغوط اللي سمعنا طبعاً أنها مع نهاية العمل كانت وصلت لدرجة خارقة خلت الرجل نفسه يستسهل ويعمل حاجة أي كلام وخلاص ويسقط حاجات كتير في النص
المشكلة التانية وهي الخاصة بسلسلة بليتش نفسها برضو خاصة بالإستسهال في الكتابة .. بأحس ساعات لما كوبو بيعطل في حل معضلة درامية خلقها بنفسه بيروح خالق لها حل من خارج سياق الدراما .. أكبر مثال علي ده وجود الفرقة صفر نفسها اللي لم يشار إليه طوال أحداث القصة بتاتاً .. أنا بيتهيألي اصلاً كوبو قبل الفصل ده مكنش عنده تصور حقيقي لماهية ملك الأرواح والموضوع جه أثناء كتابته للفصل أو تخطيطه لكتابة الفصل
مفيش بناء طويل حقيقي غير في نقط معدودة ومفيش حلول منطقية أكتر ما في مفاجأت غير متوقعة من خارج السياق
انا عجبني الفصل والمعارك بتاعته والبناء لحتة فلسفة يواباخ اللي فيها من الداروينية الإجتماعية والفاشية كتير وأزاي انه بيضحي بالأضعف في سبيل الأقوي .. لكن لازال عندي مأخذ كتير علي القصة
تعليقات
إرسال تعليق